С.Баярцогт хөрөнгөжсөн улс төрч. АН-ыг гишгүүр болгож, Монгол улс, монголын ард иргэдийн эрх ашгийг уландаа гишгэсэн этгээд. Түүнд монголоо гэх сэтгэл дутсан. Тэр мөнгө, эрх мэдлийг шүтсэн. Баярцогт ганцаараа биш. Түүний хамсаатан ганц АН-аар тогтохгүй. Бэл бэнчин нэгтэн нь МАН-д ч дээгүүр жаалдаг. Монголын Залуучуудын Холбооноос хүзүү толгой холбосон, ерөнхий сайд асан Сайханбилэг бол түүний хамгийн ойрын хамтрагч. Ялагдахаараа хамтдаа АНУ-ыг зорьдог, гишүүнээр сонгогдохоороо сайдын албан тушаалд ямблан Монголд уягддаг эрхмүүд бол Баярцогт, Сайханбилэг нар. Сайханбилэгийг ерөнхий сайдаар ажиллаж байх үед Засгийн Газрын Хэрэг Эрхлэх Газрын даргаар С.Баярцогт нуугдан ажиллаж байсан.
Үнэндээ Сайханбилэгийг "морь унасан толгойгүй ерөнхий сайд" гэж нэрлэж байсан нь ч учиртай. Оюутолгойн гэрээг Баярцогт сангийн сайд байхдаа үзэглэсэн бол, Дубайн гэрээг Сайханбилэг ерөнхий сайд байхдаа Дубайд очиж үзэглэсэн. Тэд өнөөдөр ингэтлээ хөрөнгөжсөн нь гадаадын эдийн засгийн алуурчдад эх орныхоо баялгийг найр тавьсны төлөөх шан харамж юм. Тэгвэл тэд өнөөдөр эх орныхоо эрх ашгийг уландаа гишгэсний төлөө төлбөрөө хийх цаг болжээ. Баярцогтыг баривчлав. Сайханбилэгтэй хамт Дубайг зорьж, гэрээг зурахад гар бие оролцсон Эрдэнэс Монгол компанийн захирал Бямбасайханыг сэжигтнээр дуудан байцаасан нь Сайханбилэгийг баривчлахад таван алхам ойртлоо гэсэн үг. Тэдний ард мөн " томчууд" бий. Тэдний нэрийг хэлээд яахав, ард олноороо мэдэж буй.
Ц.ЭНХБАТ