Хуулийнханд ард иргэд нэгэнт итгэл, сэтгэл алдарчээ. Тэд хамгийн өндөр цалин авдаг ч, бие даасан хараат бус үйл ажиллагаа явуулж чадахаа больсон гэх шүүмжлэл нийгэмд давамгайлсан. Ялангуяа, улс төрийн захиалгаар ,мөн мөнгөөр ажиллаж ирсэн гэх уур амьсгал тогтоод удсан байна. Зоригийн хэрэг бол үүний нэг том жишээ. Улс төрчид, эрх мэдэлтнүүд өөртөө тохирсон, хүссэн шийдвэрээ гаргуулж чадаж байна гэж иргэд үзэх болсон нь оргүй хоосон шүүмжлэл биш. Тиймээс Тагнуул, АТГ, шүүх, прокурорыг мэргэжлийн өндөр түвшинд удирдах, шударга ёсыг тогтоочих тийм хүмүүсийг нийгэм олон эрэлхийлж, таамаглал дэвшүүлэх болов. Гол нь худалдагдахгүй, зарчмаасаа ухрахгүй, ард иргэдийн итгэлийг даах ийм хүнийг нэн даруй томилуулчих хүсэл эрмэлзэл дүүрэн байгаа нь мэдрэгдэх болов.
Ялангуяа "чонын ав" эхэлж буй энэ цаг мөчид. Олон хүн энэ албан тушаалд тэнцэх хүн бол ерөнхийлөгчийн тамгын газрын дарга З.Энхболд гэж үзэх болов. Тэр одоо 52 настай. АТГ-ын дарга нь 55 нас хүрсэн байх учиртай гэж хуульчилсан байдаг. Энэ заалтыг 45 нас болгож бууруулсан тул одоо түүнд саад болох шалгуур байхгүй. Гэхдээ АТГ -д З.Энхболд очихгүй гэж эх сурвалж мэдээлж байна. Түүний дараачийн буудал бол Монгол улсын ерөнхий прокурорын суудал юм байна. Харин эндээс бол З.Энхболд нийгэмд шударга ёсыг тогтоож чадна гэж үзэх хүмүүс байна.
Ц.ХИШГЭЭ