Тагнуулын Ерөнхий Газрын дарга Хурцыг БНСУ-д суух бүрэн эрхт элчин сайдаар томилох үед зарим гишүүдийн зүгээс Хурцыг дэмжээгүй төдийгүй шүүмжилсэн. Мөн Хурцыг байлцуулж нээлттэй сонсгол хийсэн. Тэр үед Хурц; - Аан, цааш нь тэгээд, ярих уу, яах уу? гэж гишүүдээс асуусан. Гишүүдийг амыг таглаж, бүр "тавлалаа" ч гэх яриа тэр үед сошиалаар түгсэн. Энэ үед Батзанданг хууль хүчний байгууллагад өглөө гэх яриа гарч байсан нь үнэн болж, Батзандан, Болд нарыг дуудаж, мэдүүлэг авсан байна. -Иргэнээ сонссоны төлөө эрүүгийн хариуцлага тооцдог гаж тогтолцоо ганцхан Монголд л бий болох нь гэж УИХ-ын гишүүн Болд эсэргүүцлээ илэрхийлсэн байна. Ийнхүү АТГ-аар дуудагдах улс төрчдийн тоо хоёроор нэмэгдэв.
Ц.ХИШГЭЭ