УИХ-ын гишүүн, дуучин Жавхлан МНВ телевизийн ярилцлаганд орохдоо : Монгол бөхийн ариун ногоон дэвжээг сэвтээж бузарласан улс төрч бий. 4 жилийн тэртээ наадмын ногоон дэвжээн дээр тэр улс төрч гарч дэвснээр Монгол бөх бузартсан гэж хэлэв. Хэнийг ингэж хэлэв, Жавхлан? Монгол наадам ёслол төгөлдөр. Уламжлал ёсоор Монгол улсын тэргүүн л Наадмын зүлэг ногоон талбайд гарч наадмыг нээж баярын үгээ хэлдэг.
Ийм эрхийг эдэлсэн, эдэлж буй цөөн хүн бий. Анхны ерөнхийлөгч П.Очирбат, удаах ерөнхийлөгч Н.Багабанди, гуравдахь ерөнхийлөгч Н.Энхбаяр, дөрөвдэх ерөнхийлөгч Ц.Элбэгдорж, одоогийн ерөнхийлөгч Х.Баттулга. Нэрлэвэл, гарын 5 хуруунд тэдний нэрс багтаж байна. Тэднээс наадмын протоколыг эвдэж дэвж байсан хүнийг хайя. Улсын тэргүүнээс ганцхан хүн л төрийн 9 хөлт цагаан тугийг тойрон дэвж байсан. Энэ нь телевизийн операторуудын дуран хараанд өртсөн. Наадамчин олон ч янз бүрээр хүлээн авснаа санаж буй л байх. Дэвсэн хүн нь бол Ц.Элбэгдорж байлаа.
Харин бузарласан улс төрч нь хэн юм бол гэдгийг Жавхлан гишүүн өөрөө хэлэх байх.
Э.СҮХЭЭ