Сайдгүй байгаа цорын ганц яам. Энэ бол Эрүүл Мэнд Спортын Яам. Тус яам албан тушаалын хуваарилалтын дагуу МАХН-ын мэдэлд шилжээд удаж байна. Сайд нь томилогдоогүй ч саяхнаас энэ яамыг бужигнуулж эхэлсэн байна. Шалгуур нь маш энгийн. Шалтаг нь маш өчүүхэн. Мэргэжилтний сайн муу, туршлагатай туршлагагүй, чадвартай чадваргүй нь огт хамаагүй болсон гэнэ.
Хэний хүн бэ? гэдэг л ганцхан шалгуур тэнд үйлчилж эхэлсэн байна. Г.Шийлэгдамбаас үүдэлтэй өөрчлөлт шинэчлэлт гэдгийг ажлаас халагдсан, солигдсон мэргэжилтнүүд хар сэргүй хэлэх болов. Г.Шийлэгдамбыг намаасаа гаргасан. Одоо түүний томилсон хүмүүсийг бүгдийг зайлуулах шийдвэрийг намаас нь хэрэгжүүлж эхэллээ хэмээн нэрээ нууцалсан мэргэжилтнүүд мэдээлж байна. Төрийн алба намын алба болсны тод жишээг харж буй нь энэ.
Ц.ХИШГЭЭ