Энэ удаагийн сонгуулиар намыг харна, тэгэхдээ нэр дэвшигчийг нь харна. Ийм хандлага сонгогчдын дунд давамгайлж байгаа. Тиймээс улстөрийн намууд, мөнгөтэй хүний хойноос биш, сонгогдох магадлалтай хүмүүсийн араас "ангуучилж" эхэлжээ. Сонгогдохгүй ч гэсэн, намд нь өндөр санал авчрах тийм хүмүүсийг судалж, эрж, элсүүлж байна. МАХН-ын дарга Энхбаярын хувьд сонгуулийнхаа тактикийг аль хэдийн боловсруулсан нь тодорхой. Саяхан болж өндөрлөсөн МАХН-ын бага чуулганаар АН-ын гишүүн, Хэнтий аймгийн засаг дарга асан Ц.Жаргал, МАН-аас УИХ-д сонгогдсон, Өвөрхангай аймгийн засаг дарга асан Т.Эрдэнэбилэг нарыг МАХН-ын нарийн бичгийн даргаар сонгосон нь үүний нэг жишээ юм. МАХН-аас Ц.Жаргал Хэнтийд, Т.Эрдэнэбилэг Өвөрхангай аймагт нэр дэвших нь ийнхүү тодорхой боллоо. МАХН үнэд орох сонгууль.
Д.ГАНХУЯГ