Тэр ерөнхийлөгч Элбэгдорж руу шууд утасдаад "Наад хүнийхээ дипломат паспортыг өг л дөө" гэж хэлээд паспортыг нь авч өгсөн. МАХН-ын нэрийг Шинэбаяр бид хоёр авч өгсөн. Засгийн газрыг огцруулалгүй, би л авч үлдсэн. Элбэгдоржийн хуулийн зөвлөхөөр би ажилласан. Женкогийн зөвлөхөөр би л ажилласан. Энхбаяр, АН хоёр намайг гудамжинд гаргах нь.
Би, би ,би .. Би л гэсэн ярилцлага өгчээ. Үнэн л байх. Намын бүртгэлийн төлөө явж байсан, санаж байна. Ганц Баасанхүү биш олон ч хүн ярьж байсан байлгүй дээ. МАН-ын саналыг хуваах зорилгоор зориуд олгосон ч гэдэг. Улс төрийн тийм нүүдэл хийсэн байхыг үгүйсгэхгүй. Гэхдээ л О.Баасанхүү хуульч хөлс мөнгөөр л ажиллаж байсан шүү дээ. Хуулийн фирмтэй. Элбэгдорж ерөнхийлөгчид ч, Баттулгад ч тийм маягаар л зөвлөгөө үзүүлсэн байх гэж санаж байна. Гэхдээ энэ хүн давхар дээл мөрөөдөж 4 жил боллоо. Яагаад дан дээлийнхээ тухай санахгүй байна вэ? энэ эрхэм. Оймс, энэ тэр гэлгүй хэлэхэд, хэний хүчинд УИХ-ын гишүүн болов оо? гэдгээ саначихад гэмгүй л байх.
УИХ-ын гишүүний хувьд О.Баасанхүү том, албан тушаалаараа Н.Энхбаяр даргаасаа илүү байж болох юм, өнөөдөртөө. Гэхдээ л улс төрчийн хувьд О.Баасанхүү бол Энхбаяр даргынхаа дэргэд жижигхэн "хүүхэд" юм.
Нийтлэлч Ц.ЭНХБАТ