УИХ-ын Төрийн байгуулалтын байнгын хорооноос УИХ болон аймаг, нийслэлийн ИТХ-ын сонгуулиар гаргах зардлын хэмжээг хэлэлцлээ. СЕХ-ноос өргөн мэдүүлсэн төсөлд сонгуулийн зардлыг 16.4 тэрбум төгрөг байхаар тусгажээ. Энэ зардлаас автоматжуулсан системд 2.5 тэрбум, саналын хуудас хэвлүүлэх зардалд 3.2 тэрбумы төгрөгийг зарцуулахаар болсон байна. Энэ нь 2012 оны сонгуулийн зардалтай харьцуулахад ижил түвшинд байгаа хэмээн СЕХ-ны дарга Ч.Содномцэрэн мэдээллээ. 2012 онд УИХ-ын ээлжит сонгуулийн зардлыг 16.8 тэрбум, орон нутгийн сонгуулийн зардлыг 5.2 тэрбум төгрөгөөр хийхээр тогтоож байсан гэв. Мөн тус хорооноос ирэх сонгуультай холбоотой 30 гаруй журмыг боловсруулсан байна.
Х.АЯЛГУУ