Монгол Улсын Ерөнхий сайд Ч.Сайханбилэг энэ сарын 15 буюу ирэх баасан гарагт мэдээлэл хийхээр болжээ. Тэрбээр энэ удаа Монгол Улсын нийт гадаад өр болон Засгийн газрын өрийн талаар дэлгэрэнгүй мэдээлэл өгч, гишүүдийн асуултад хариулах юм байна. Монгол Улсын нийт гадаад өр 2015 оны эцсийн байдлаар 21.6 тэрбум ам.доллар байгаа аж. Үүний 4.9 тэрбум ам.доллар буюу 22.9 хувийг Засгийн газар болон Хөгжлийн банкны гадаад өр эзэлж байна. Энэ нь ДНБ-ий 52.3 хувьтай тэнцэж байгаа юм.
А. САЯН