УИХ дахь АН-ын бүлэг өнгөрсөн бямба гаригт Их тэнгэрт хуралдлаа. Энэ удаагийн бүлгийн хурлаар намынхаа дотоод асуудлыг ярилцаж, нэгдсэн байр сууринд хүрсэн талаар АН-ын бүлгийн дэд дарга С.Одонтуяа мэдээллээ.
Тэрээр АН-ын бүлэг эв нэгдлийн хурлаа хийж ойлголцолд хүрсэн гэдгийг тодотголоо. Их Тэнгэрийн АН-ын бүлгийн хуралдаанд нийт 35 гишүүн оролцох байснаас 30 гишүүн оролцжээ. УИХ-ын гишүүн Б.Болор, Г.Баярсайхан, Д.Бат-эрдэнэ, Д.Эрдэнэбат, Б.Наранхүү нарын гишүүд хөдөө орон нутагт ажиллаж байгаа тул хуралд оролцож амжаагүй байна. Бүлэг сонгуулийн мөрийн хөтөлбөрийн томоохон асуудлуудаа хэлэлцэж, Үндсэн хуульд өөрчлөлт оруулах асуудлаар Ард нийтийн санал асуулгыг хэрхэн явуулах тухай хэлэлцжээ.
А. САЯН
