-Эдийн засгаа хямралаас
-Эх орноо өрнөөс
-Иргэдээ ядуурлаас
-Төрөө дампуурлаас аваръя
Энэ бол 2016 оны МАН-ын сонгуулийн УРИА байх нь гэж судлаачид хэлж байна.
"2000 онд ӨМЧГҮЙ төр үлдээсэн. Ардчилсан нам 2016 онд ӨРТЭЙ төр үлдээх нь гарцаагүй боллоо"
Энэ хоёр мөр үгэн дээр МАН-ынхан суртал ухуулгынхаа гол тоглолтоо хийх нь зөв гэж үзжээ. Тиймээс ч, "Монголоо аврах цаг ирлээ" гэж МАН-аас иргэдтэй уулзах уулзалт бүртээ тодотгох боллоо гэж ажиглагчид дүгнэж байна.
Гэвч МАН өөрөө ямар нам бэ? гэдгийг иргэд, сонгогчид хараахан мартаагүй. 2008 оны сонгуулиар МАН : "Төрөө хямралаас аварья Түмнээс ядуурлаас аварья" гэсэн уриатай л орж байсныг сануулахад илүүдэхгүй. Аль аль нь хоосон үг төдий явж ирснийг амьдрал бэлхнээ харуулна. Харин сүүлийн 25 жил улс орныг ээлжлэн удирдсан энэ хоёр намын сонгуулийн уриаг эргээд нэг харчихад гэмгүй бололтой. Ямар ч гэсэн МАН-ын 2016 оны сонгуулийн уриа тодорхой болж эхэлжээ.
Нийтлэлч Ц.ЭНХБАТ