Сонгууль хаяанд ирсэн. Намын гишүүдээс нь улс төрийн мэдэгдэл гаргах, улстөрийн шинэ хөдөлгөөн бий болгох, шинэ улс төрийн намыг үүсгэн байгуулах зэрэг ихээхэн хөдөлгөөн орсон халуухан цаг үед ҮЗХ хуралдлаа. Алтанхуягийн мэдэгдэл, Баттулгын шинэ нам, Болдын хөдөлгөөн, эдгээр гишүүдтэй холбоотой үүсгэсэн эрүүгийн хэрэг, цаашлаад Монгол улсын ерөнхийлөгч Ц.Элбэгдоржийг энэ тоглолтонд татан оролцуулах болсон нь АН-ын нэр хүндэд "халтай" тусах болсон нь тус ҮЗХ-ны хурлын анхаарах сэдэв яах аргагүй мөн байлаа. Сонгуульд амжилттай оролцъё л гэвэл, намын дотоод асуудлаа шийдсэн байх ёстой. ҮЗХ-гийн хурал ч энэ асуудалд анхаарлаа төвлөрүүлсэн гэж хэлж болно. Сонгууль хаяанд тулсан энэ үед намын дотоод зөрчлийг арилгах, эв нэгдлийг бий болгох, намын сахилга батыг гишүүдээрээ мөрдүүлэх нь АН-ын даргын хувьд маш чухал алхам юм. Ийм шийдвэрт АН-ын лидерүүд хүрлээ гэсэн мэдээлэл цацагдаж байна.
Тоймч Д.ГАНТУЛГА