Улаан шар өнгийн хувцсаар жигдэрч, маск зүүсэн хэсэг бүлэг хүн “Монголоо аваръя” хөдөлгөөнийг Төрийн ордны зүүн талд зохион байгуулаад байгаа билээ. Жагсаал зохион байгуулагчид “Бидний асуултын хариултыг өгтөл жагсана. Өргөө гэрээ барьж тэмцлээ үргэлжлүүлж байна" хэмээн чанга яригчаар уриалж байсан тус хөдөлгөөний зохион байгуулагч Б.Ганхуягийг мөн баривчилжээ. Одоогоор ямар шалтгаанаар баривчилсан талаар албаны хүмүүс мэдээлэл өгөөгүй байна. Албан бус мэдээллээр тус хөдөлгөөн нь жагсаал зохион байгуулах зөвшөөрөл аваагүй байсантай холбоотой бололтой.
Б.ХУЛАН