МАН-ын Удирдах зөвлөл өчигдөр хуралдаад Бага хурлаа энэ сарын 18-нд хийхээр болжээ. Мөн өчигдрийн хурлаар ирэх сонгуульд МАХН-тай ямар байдлаар эвсэж оролцох тухайгаа ярилцсан байна.
МАН-ын хувьд “Эх орончдын өдөр’’-ийг МАХН-тай хамтарч тэмдэглэсний дараа эвсэж сонгуульд оролцох асуудлыг судлахаар хоёр талаас ажлын хэсэг байгуулаад байсан билээ. МАХН-ын ерөнхий нарийн бичгийн дарга Ж.Сүхбаатарын хэлснээр 60:40 гэсэн харьцаатайгаар эвсэж сонгуульд оролцох болзлыг МАН-ын удирдлагуудад тавьсан байдаг.
Харин МАН-ын хувьд МАХН-ын энэхүү саналд хараахан хариу өгөөгүй байсан юм. Өчигдөр хуралдсан Удирдах зөвлөлийн хурлаас энэ асуудлыг хэлэлцсэн ч тодорхой шийдэлд хүрээгүй байна.
А.САЯН
