Сонгуулийн хуулийг холимог системээр явуулахаар баталсан. Тойрогт нэр дэвшин өрсөлдөх, намын авсан хувиар жагсаалтаар сонгогдох. Энэ жилийн сонгуулийн хуулийн онцлог нь, сонгуулийн хуулийг хэзээ ч өөрчлөх боломжтой.
Сонгууль эхлэхээс 6 сарын өмнө хуулийг батлах ёстой гэдэг заалтыг авч хаясан. Тийм учраас сонгуулийн хуульд өөрчлөлт оруулна гэж Л.Эрдэнэчимэг гишүүн хэлээд байна. Энэ саналыг “Журамт Монгол" хөдөлгөөн дэвшүүлсэн бөгөөд, тэдний зохион байгуулсан цуглаанд УИХ-ын гишүүн Х.Баттулга, Л.Эрдэнэчимэг, Г.Уянга нар оролцсоныг сайн санаж байна.
“Журамт Монгол” хөдөлгөөний тэргүүн, АИХ-ын дарга асан Ж. Гомбожав
"Жагсаалтаар УИХ-ын гишүүнээр сонгогдох нь Үндсэн хууль зөрчсөн үйлдэл. Тиймээс сонгуулийн хуулийг өөрчилж, жагсаалтыг хасуулахын төлөө тэмцэнэ" гэдгээ илэрхийлсэн. Яг энэ санааг Л.Эрдэнэчимэг, Х.Баттулга нар дэмжиж эхэллээ.
Тиймээс ойрын өдрүүдэд, сонгуулийн хуулийг өөрчлөх, цагдаа, хүчний байгууллагын удирдлагыг солих зэрэг үйл ажиллагаа эрчимжих төлөвтэй. Улс төрийн тэмцлийн "халуун" нэлээд өгсөх өдрүүд та биднийг угтах нь ээ.
Ц.ДОРЖГОТОВ