Нийгэм хоёр хэсэгт хуваагджээ. Баттулгыг газарт ортол нь муулж, тэнгэрт гартал нь магтаж байна. Идсэн, уусан, дээрэмдсэн л гэнэ. Бүтээсэн босгосон, хамгаалсан л гэнэ. Ард иргэд маргалдаж, "алалцах" дээрээ тулаад байдаг. Баттулгыг хамгаалах өмгөөлөх хүн тоо томшгүй олон байгааг хаана хаанаа харж байна. Баянхонгороос л гэхэд Баттулгыг хамгаалахаар 5000 иргэд нийслэл хотыг зорьсон мэдээлэл олны сонорыг мялаагаад авлаа. Цагдаагийнхны ажил өрнөх нь ээ. Хоёрхон компанийн санхүүгийн үйл ажиллагааг шалгах үйл явц яагаад ингэтлээ ӨНДӨР авчихваа, ингэтэл.
Цагдаагийн байгууллага зориуд ингэж дэврээв үү? Баттулга ингэж харагдуулаад байна уу? гэдгийг бодох л хэрэгтэй. Түүнийг ерөнхий сайд болчих вий, цаашлаад ерөнхийлөгч болчих вий? гэсэн болгоомжлол энэ бүхний ард нуугдаж байна. Улс орон бүхэлдээ энэ хүний мэдэлд орчих вий? Гэсэн болгоомжлол байх шиг байна.
Ингэж харах өнцөг үүслээ гэж ажиглагчид ч дүгнэж байна. Эцсийн дүнд нь эрх мэдлийн төлөөх тэмцэл ч гэж харж болох. Хэн хэн нь бие биенийхээ алдаа, сул тал дээр тоглохыг хичээж байна. Тэгээд одоо яах ёстой юм бэ? Цагдаагийн дарга нарыг сольчихоор асуудал шийдэгдэх үү? Бодох л асуудал. Бодоход, юуны өмнө улс төр, аж ахуй хоёрыг салгаж зааглах хэрэгтэй юм шиг. Хөндлөнгийн групп томилж, үнэхээр идсэн, уусан уу?, эсвэл хэлмэгдүүлээд байна уу? гэдгийг тогтоочихвол илүү хялбар баймаар санагдана. Тогтоох ч хэрэгтэй.
Үйл явцыг харахад, манай хуулийнхан, хүчнийхэн дэндүү гэнэн, дэндүү мэргэжлийн биш ажиллагаатай гэж нийгэм олон дүгнэсэнтэй санал нийлж байна. Ямар ч арчаагүй юм. Бас нэг зүйлийг хэлэхэд, Баттулгыг орхисон ч бай, үгүй ч бай, юуны түрүүнд хууль, хүчний байгууллагаа нэг сайтар шүүгээд, цэвэрлэчихэд илүүдэхгүй юм шиг бодогдлоо. Иргэдэд Баттулга гэдэг хүн хэн байх нь хамаагүй. Цагдаа, хүчний байгууллага мэргэжлийн байх нь чухал. Айлган дарамталдаг биш, ард иргэддээ үйлчилдэг хууль, хүчний байгууллагыг нийгэм хүсэн хүлээж байна.
Тоймч Д.ЭНХТҮВШИН