УИХ-ын чуулганаар АТГ-ын дарга Н.Ганболдыг ажлаас нь чөлөөлөх асуудлыг хэлэлцэж байна. Хэлэлцүүлгийн үеэр гишүүд АТГ-ын даргаас асуулт асууж, саналаа хэлж буй. Тухайлбал Ерөнхий сайд асан УИХ-ын гишүүн Н.Алтанхуяг өөрийн байр сууриа илэрхийлсэн.
Тэрээр “Намайг АН-ын дарга байхад Ерөнхийлөгч Ц.Элбэгдорж санал оруулаад АТГ-ын дарга болсон. Орлогчоор нь Б.Хурц гэдэг хүнийг томилж байсан. Хуйвалдааны төр гэдэг чинь эд нартай холбоотой. Н.Ганболд даргыг би сайн мэдэхгүй. Та хүнд нөхцөлд ажилласан. Гэхдээ хоншоор гаргаж чадаагүй. Хонгилын хаалга нээж өгдөг хүн болсон.
Шинэчлэлийн Засгийн газар байхад АТГ-ын ажиллагаа бол бүр хавтгайрсан. Та хонгилын хаалга нээж хүмүүсийг хэлмэгдүүлэхээсээ залхсан уу. Нэг л юм болчихлоо. АТГ бизнесменүүдийг бүгдийг нь алсан. АТГ-ын ажилчид өөрсдөө авлига авдаг. АТГ-ын ажилтан нь өөрөө Ерөнхий сайдын зөвлөх болчихсон байна” гэлээ.
А. САЯН