Х.Баттулгынх гэх тодотгол эртнээс улбаатай. Иргэний хөдөлгөөн гэж байхад, Ж.Батзандан, О.Магнай, Г.Уянга, М.Ичинноров гэж байхын л ард нь Х.Баттулга байгаа гэж холбодог байв. Тийм үгүйг хэлж мэдэхгүй ч, энэ яриа газар авсан байдаг.
Энэ удаа ч Тусгаар тогтнол-эв нэгдлийн намын ард Х.Баттулга зогсдог гэж хэвлэлийнхэн мэдээлсээр. Г.Уянга улс төрийн намын дарга болж, Тусгаар тогтнол-эв нэгдэл намыг сонгуульд удирдан орохоор боллоо. "Бид зөв хүмүүсийн нэгдэл" гэж Уянга өөрийнхөө намыг тодорхойлж байна.
Энэ намын тухай ярих түүх байхгүй. Ажиглавал, "Жудагт Монгол" хөдөлгөөнийхөн тус намын жинг татаж буй бололтой. Х.Цагаанбаатар, Г.Хайдав зэрэг бөх, жүжигчид, уран нугараачид, дуучид олноор харагдах нь тус намын ялгаран тодрох өнгө гэлтэй.
Ц.ДОРЖГОТОВ