ИЗНН ядарчээ. Дарга нь ч туйлджээ. Олон жил сонгуульд намаа авч орсон тул нуруугаа авахуулжээ гэж хэлж болно. Ганц хоёр суудлаас хэтэрдэггүй ийм нэг намтай. Дотооддоо зөрчил ихэссэн нь намын удирдлага, даргынх хүч хөдөлмөрийг сорсон гэж үзэж болох. Аргагүйн эрхэнд, гишүүдийнхээ шаардсаны дагуу намынхаа ерөнхий нарийн бичгийн даргаа солилоо. Энэ сонгуулиас хүлээх зүйл бага.
ХҮН гээд нам, Тусгаар тогтнол-эв нэгдэл гээд өөр нам бас гараад ирлээ. Ядахдаа нэг нам нь бас эмэгтэй даргатай, тэр нь мөн УИХ-ын гишүүн, өөртэй нь ижил. С.Оюун болон түүний намын өнгө өдрөөс өдөрт бүдгэрч, бусдаас ялгарах тодрох юмгүй боллоо гэж үзэх хэсэг олон болжээ. Түүний эцсийн найдвар бол АН.
Ардчилсан Намд чирэгдвэл, энэ сонгуулиар ганц нэг суудалтай болох юм. Тэгвэл, улсын их хуралд суудалтай намыг дараагийн даргад хүлээлгэж өгвөл нэр төрийн асуудал юм.
Д.ЭНХТҮВШИН