Н.Энхбаяр Монгол орондоо эргэн ирээд зогсохгүй, Монголын улс төрд эргэлт буцалгүйгээр эргэн иржээ. Цаг үе, өрнөх үйл явдлыг ажиглавал ийм дүгнэлтийг хийж болох байна, хялбархан. Түүнийг МАН урьсан боловч, тэдний урилгыг "нулимлаа" тэр. МАН-ыг дахин эрх барихад нь туслах хүсэлгүйгээ тэр ийнхүү илэрхийллээ.
МАН-ыг амаар нь шороо үнхүүллээ. Одоо тэр өөрийгөө бодох цаг болжээ. Түүнийг төрд ажиллах бүрэн боломжтой гэдэг дүгнэлтийг Монголын Хүний Эрхийн Комиссоос гаргалаа. Түүний өмнөх хэргийг хэрэгсэхгүй болгосон гэдгийг хууль зүйн сайд, хууль зүйн байнгын хорооны дарга асан, УИХ-ын гишүүн, хуульч Х.Тэмүүжин нийтэд зарлалаа. Түүнийг ялыг цагаатгах ёстой тогтоолыг УИХ-ын Хууль зүйн байнгын хорооноос дэмжлээ. Ойрын өдрүүдэд уг тогтоолыг УИХ-ын чуулганаар, хаалттай хэлэлцэж, эцсийн шийдвэр гаргах болсон тухай ордноос хальжээ. МАХН-ын гишүүд, дэмжигчдийн гудамжинд "БАЯР ЦЭНГЭЛ" болох нь гэж ажиглагчид дүгнэж байна.
Энэ удаа Н.Энхбаярыг хэн ч хулхидаж чадахгүй болсон байна. Хулхидвал, ард нь сонгууль бий. Энэ сонгуулийн ялалтын жин дарах туухай бол МАХН буюу Н.Энхбаяр өөрөө юм. Монголын улстөрийн МОДА-ыг Намбарын хүү ЭНХБАЯР дахин тогтоож эхэллээ.
Нийтлэлч Ц.ЭНХБАТ
