Ард иргэдийн шууд сонгох эрхийг жагсаалт гэдэг зүйл зөрчиж буй тухай дээр доргүй ярьж хэлэлцэж байна.
ЦЭЦ эхний хурлаа хийсэн. Дунд шатны хурлаар эцсийн шийд гарах ёстой. Харин ЦЭЦ ямар шийд гаргахыг МАН&АН шийднэ гэх, тэр дундаа МАН-ын дарга М.Энхболд, АН-ын дарга З.Энхболдын үзэмжийн асуудал гэх. Жагсаалтын эхний 5-д хэнийг багтаах вэ? гэдэг бол намын дарга нарын толгойны өвчин болж байна гэх мэдээлэл тарсан. Мөнгөтэйгөө юу, настайгаа юу, нөлөөтэйгээ юу, ойр дотнын харьцаатайгаа юу, хармааныхаа нэгнийг үү, өөрийгөө юу? гээд эргэцүүлэх зүйл их гарчээ.
Яагаад вэ? гэвэл тус хоёр намын эхний 5-д жагсах хүмүүс УИХ-ын гишүүнээр сонгогдлоо гэж итгэлтэй байж болно гэж судлаачид хэлэх болов. Намын даргын хувьд ч, хуулинд жагсаалттай байх нь сонирхолтой л асуудал. Тиймээс жагсаалтыг бүрмөсөн үгүй хийнэ гэдэг улс төрийн намуудын дарга нарын нэгдүгээр сонирхол биш. Харин жагсаалтад орох нэр дэвшигчдийн тоог цөөлж болох магадлалтай. Эс бөгөөс сонгуулийн хуулийг бүхэлд нь өөрчлөх боломжгүй. Тиймээс дундын хувилбарыг сонгож болох. Үндсэн хуулийн Цэцийн гишүүдийг УИХ-аас томилдог. Тиймээс ҮХЦ АН болон МАН-ын дарга нарын чиглэлийг сонсох нь тодорхой гэж судлаачид дүгнэж байна.
Тоймч Д.ГАНТУЛГА
