Ийм шийдвэр гаргахад УИХ-д олонхи болсон хоёр том нам санал нэгдсэн гэх мэдээлэл төрийн ордноос цацагдах боллоо. Намдаа арвин их санхүүжилт хийж, жагсаалтын дээгүүр бичигдэж УИХ-ын гишүүн болох санаархалтай хүмүүсийн мөрөөдөл ийнхүү тасалдлаа. Мөнгөөр, албан тушаалаар, жагсаалтын ард нуугдаж сонгогддог үйл явц 2012 оны сонгуулиар эхэлж, түүгээрээ төгслөө. Мэдээж төгс төгөлдөр гэж зүйл байхгүй. Мажоритар тогтолцоонд ч алдаа бий. Жижиг намууд, шинэ хүмүүст туйлын халгаатай. Тиймээс 2016 оны сонгуулийн дүн хэрхэн гарахыг урьдчилан таамаглахад тийм ч бэрх биш боллоо. Аймгууд, тойргууд дээр мандатын тоог нэмэх нь тодорхой болов. Н.Хаянхярваа жагсаалтад биш Дархан луугаа, Зам тээврийн М.Зоригт сайд Дорнодыг биш, эргээд Сүхбаатараа зорих нь ойлгомжтой болох жишээтэй. Тойрогийн тоо 28-аар нэмэгдсэн нь, нэр дэвшигчдийг дахин хуваарилалтад шилжүүллээ.
Тоймч Д.ГАНТУЛГА