Тасаг тасгаар нь эмнэлгээ хааж буйг эсэргүүцсэн эмч, ажилтдынхаа тѳлѳѳлѳгчдийг тус эмнэлгийн дарга Эрдэнэтуяа ѳчигдѳр үдээс хойш хүлээн авч уулзаж, Эрүүл Мэндийн Яамнаас 2.5 тэрбум тѳгрѳгийн санхүүжилт хийх болсныг дуулгасан байна. - Энэ бол эмнэлэгт шаардлагатай тоног тѳхѳѳрѳмжийн санхүүжилт. Энэ тѳсвийг 2019 онд ѳмнѳх дарга гаргаж ѳгсѳн. Намраас хойш шаардсан. Сая л нэг шийдэгдлээ гэж дуулгалаа. Гэхдээ бидний тэмцэл үүгээр намдахгүй. Эмч, сувилагч, эмнэлгийн ажилтан, шаардлагатай урсгал зардлын тѳсвийг танасан. Хэвийн ажиллагааг алдагдуулсан. Японы Засгийн газраас хѳрѳнгѳ оруулсны хүчинд энэ эмнэлэг боссон. Одоо Монголын Засгийн газар үүргээ биелүүлэхийг шаардаж байна. Ѳмнѳ нь энэ маягаар Сонгдо тэргүүтэй хоёр ч эмнэлгийг улс тѳрчид хувьдаа авцгаасан. Гурав дахь манай эмнэлэг болох учиргүй гэж тус эмнэлгийн нэрээ нууцалсан эмч Control.mn-д мэдээллээ. Эрдэнэтуяа нь 2020 оны 1-р сарын 29 -нд ЭМЯ-ны сайд Сарангэрэлийн тушаалаар Анагаах Ухааны Их Сургуулийн эмнэлгийн захирлаар томилогдсон байна. Ѳмнѳх захирлыг нь менежмент муу хийж байна гэх үндэслэлээр халсан. Харин менежментийг сайжруулах, хѳрѳнгѳ мѳнгийг тасалдуулахгүй байхыг амлаж ажилдаа томилогдсон Эрдэнэтуяа захирал тасаг тасгаар нь хаалгыг нь барьж эхэлсэн нь ажилчдынхаа эсэргүүцэлтэй тулгарлаа.
Анагаах Ухааны Их Сургуулийн эмнэлэг нь тус сургуулийн захирал Ж.Цолмонгийн мэдэлд байдаг гэх. Гэтэл сургууль гэх утгаараа Боловсролын Яам, эмнэлэг гэх утгаараа Эрүүл мэндийн Яам хоёр талаас нь зулгааж буй учиртай юм байна. Тиймээс хоёр эзний нэг зарц шиг болжээ.
Э.Цэбэ
