МАХН-ын дарга Н.Энхбаяр СЕХ-нд хандаж ингэж хэллээ. Өмнөх алдаагаа битгий давтаарай гэлээ. Энэ нь намайг болон манай нөхдийг битгий хасаарай гэх шиг сонсогдлоо гэж ажиглагчид үзсэн байна.
Түүнд болгоомжлол байна, болгоомжлолоо хэлэх ч үндэслэл байгаа нь ойлгомжтой. Ямар ч гэсэн нам нь дангаараа оролцох болсноо мэдэгдлээ. Суудал нь нэмэгдэх, цөөрөх эсэхийг сонгогчид мэдэх хэрэг. АН, МАН-ын дараах гуравдагч нам болсон нь үнэн. Суудлаа хадгалж үлдэж гэмээнэ 2017 оны ерөнхийлөгчийн сонгуульд өрсөлдөх эрхээ халааслах болно.
Энэ л МАХН-ын хувьд чухал гэж харагдаж байна. Мөрийн хөтөлбөр нь, хүн бүрийг баталгаатай ажлын байртай болгох "Хөгжлийн хувьсгал " хийхэд тулгуурлаж байна гэж судлаачид дүгнэлээ.
Д.ЭНХТҮВШИН