Нам бол наймааны хэрэгсэл болсон. Албан тушаал, ашиг хонжоо наймаалцдаг гэж олон нийт дүгнэх болсон. Иргэд, сонгогчдын эрх ашгийг уландаа гишгэсэн ч гэдэг. Нээлттэй цонхны худалдаа хаалаа гэдэг шиг намуудын атом, молекулын хөдөлгөөн дууслаа. МҮАН, ИЗНН, ЭХ ОРОН, ХҮН намыг АН "залгилаа". Үүнээс хойш, түүнээс цааш АН-д залгиулсан эдгээр намуудыг улс төрийн тавцангаас шахагдлаа гэж бичиж болно.
Эсвэл өөрсдөө зайллаа ч гэж үзэж болох. МҮАН, ИЗНН, ЭХ ОРОН намуудын хувьд УИХ-д суудал бүлэгтэй байж, засгийн эрхийг ч барьж үзсэн түүхтэй бол, ХҮН нам "дуутай бороо хургүй" гэдгийн үлгэрийг үзүүллээ. ХҮН нам хэн биш, юу ч биш боллоо. Өөр бусад жижиг намын хувьд ч ижил хувь заяа тэднийг тосох болно.
Ц.ГАНТУЯА