Монгол жижигхэн. Бие биенээ зүсээр нь биш, удам судраар нь мэднэ. Зам тээврийн сайд Энх-Амгалан гэхэд л "Таван-Эрдэнэ" захын арьс ширний ченж залуу байсан. Түүнийг Зам тээвэр, хөгжлийн сайд болчихно гэж үнэндээ санасангүй. Хийж, амжуулж буй зүйлээр маруухан, хэлсэн ярьсандаа хүрч чаддаггүйг нь Дарханы замаас бэлхнээ харж болно. 2019 оны 11-р сард ашиглалтанд оруулна гэж Б.Энх-Амгалан сайд хэлж сүржигнэж байсан. Он гарсан. Хугацаа талийсан. Эвдэрхий ч гэсэн зам байсан тэр газар ѳнѳѳдѳр уйтгар гуниг, гашуудлын ая дантай "Үхлийн хөндий" гэгч нэр зүүх болов. Мөн авлига хээл, хахуулийн хэрэг ч тэндээс тасрахаа байжээ. Зам тээвэр, хөгжлийн яам замбараагүй салбар болсон. Эхэлсэн ажлаа ч дуусгадаггүй жишээг Энх-Амгалан сайд үлгэрлэж байна. Гэтэл 800 сая ам.долларыг Францын Засгийн газраас зээлээд гүүрэн байгууламж барихаар болсон гэнэ. Энэ бол сенсацийг сенсациар дардаг, нэг ажлаа дуусгаагүй байж нөгөө ажил руу самардаг хуучин арга барил юм гэж Жаргалсайхан дургүйцлээ илэрхийллээ.
-Сонгуульд намууд амбицаа дарж, нэгдэж орох ёстой. Тэгэж байж "хувалз"-нуудаас салах болно гэж Жаргалсайхан бусад улс тѳрийн намыг уриалж байна.
Э.Сувдаа
