Өнөөдөр АН-ын зөвлөл цаг үеийн асуудлаар мэдээлэл хийлээ. Энэ үеэр АН дарга С.Эрдэнэ гадаадаас халдвартай иргэдийг оруулж ирсэн нь буруу цар тахлын аюулыг дотооддоо биш гадаадаас импортлох маягаар оруулж ирж байгаад харамсаж байна. Иргэдээ оруулж ирж байгаа нь зөв ч гурван сая иргэний аюулгүй байдлыг хангах нь төр, засгийн үүрэг. Коронавирусийг нэг алдвал барьж болохгүй. Коронавирусын халдвараас сэргийлж, иргэдээ хамгаалах нэрээр эрсдэл хийж байгаад харамсаж байна. “Энэ бол хариуцлагагүй алхам” хэмээн байр сууриа илэрхийллээ. Түүний хэлж буй үнэний ортой хэдий ч чи үхэхээр би үх гэсэн шиг элэг нэгт Монголчуудаа хүний нутагт үх гэсэнтэй адил байна. Эх оронч бус хүн юм. Төр нь иргэнээ хамгаалах үүрэгтэй, Засгын газрын зүгээс эрсдлийг тооцоолж иргэдээ татаж авах ажлыг эхлүүлсэн. Тандалт судалгаа, халдварыг тархаахгүй байх тал дээр холбогдох байгууллагууд, алба хаагчид бүх хүчээ дайчлан ажиллаж байна. Ийм үед С.Эрдэнэ дарга иргэдийг турхирж байна хэмээн цахим сүлжээгээр иргэд ихээхэн бухимдаж байна.
Т.Хуншагай