2012 оны сонгуулийн өмнөхөн МАН-аас хэд хэдэн гишүүн гарсан. Ч.Улаан, Д.Тэрбишдагва нар МАХН-ыг, Ц.Даваасүрэн бие дааж байсан. Тэд бүгд сонгогдсон. Д.Тэрбишдагва нэр дэвшиж, Ч.Улаан жагсаалтаар сонгогдсон. Харин энэ удаагийн сонгуулиар төрсөн бууцандаа очлоо. МАН-д Сонгинохайрхан болон Сүхбаатар дүүргүүдэд суудал авчрах нэр дэвшигч хэрэгтэй. Энэ болзлыг хангаж буй хүмүүс бол Ч.Улаан, Д.Тэрбишдагва юм.
Нэр дэвшигчийг бүртгэхэд цөөхөн хоног үлдсэн энэ өдрүүдэд бүгд эцсийн нүүдлээ хийцгээж байна. Бүртгэл 5-р сарын 9-нд дуусна. Намууд хэн хэнийг нэр дэвшүүлэх, нэр дэвшигчид хаанаас нэр дэвшихээ сонгоход цөөн хоног үлдсэн. Хэн хэн ямар шийдвэр гаргасныг удахгүй харах цаг ирнэ ээ. Өмнө нь МАН-аас нэр дэвшсэн Д.Арвин сүүлд нь АН-ыг сонгосон. Өнөөдөр Ц.Даваасүрэн МАН-даа элсэж, удирдах зөвлөлийн гишүүн боллоо. Түүнд Хөвсгөлийн тойргийг нь хадгалсан байна.
Тоймч Д.ЭНХТҮВШИН
