Ц.Уянга, Э.Одбаяр тэргүүтэй иргэд, ТББ, улс төрийн намууд нэгдэн Монгол Улсын Ерөнхийлөгч Х.Баттулгыг Үндсэн хууль зөрчсөн гэж үзэн Үндсэн Хуулийн Цэцэд ханджээ.
Тодруулбал: Монгол Улсын Ерөнхийлөгчийн зүгээс Шүүгчийн эрх зүйн байдлын тухай хуульд нэмэлт өөрчлөлт оруулах хууль санаачлан батлуулсан нь Үндэсний аюулгүй байдлын тухай хуулиар тогтоосон үндэсний аюулгүй байдлын чиг үүрэг, бүрэн эрхэд хамаарахгүй зүйлээр Монгол Улсын Үндсэн Хуулийн үзэл баримтлалд халдсан үйлдэл болсон хэмээн үзэж буй аж. Шүүхийн хараат бус бие даасан байдлыг алдагдуулж, шүүх, хуулийн байгууллагад нөлөөлөх замаар улс төрийн зорилгоор иргэдийг хэлмэгдүүлэх нөхцөл хэдий нь бий болсны тодорхой жишээ нь Монгол улсын ерөнхий сайд асан М.Энхсайханыг барьж хорьсон асуудал хэмээн тэд үзэж байна. Хэрэв Монгол улсын Үндсэн Хуулийн Цэцээс дээр дурдсан асуудлаар Үндсэн Хууль зөрчсөн нь тогтоогдож дүгнэлт гарвал Х.Баттулга ерөнхийлөгчөөс огцрох нөхцөл бүрдэх юм. Ерөнхийлөгчөөс огцруулах үндэслэлийг Монгол Улсын Үндсэн Хуулийн 35 дугаар зүйлийн 1, 2 дах заалтад тусгасан байдаг байна.
Э.Сувдаа