Ирэх зургадугаар сард болох УИХ-ын ээлжит сонгуульд Уих-ын гишүүн асан Ц.Оюунгэрэл нэр дэвшихээс татгалзсан байна. Харин орон нутгийн сонгуульд өрсөлдөх юм байна.
Тэрээр " “Жорлонгоо өөрчилье” төслөө орон нутаг, нийслэлийн түвшинд хийж, хэрэгжүүлэхийг зорьсон учраас орон нутгийн сонгуульд өрсөлдөхөөр шийдсэн. Миний нэр дэвшихгүй нь нөгөө талаараа дэнчинтэй холбоотой. Манай намд анх татварын асуудал орж ирсэн тухайн үед буюу одоогоос бараг гурван жилийн өмнө “Намын татварын хэмжээ хэтэрхий хатуу байна, гишүүд нь төлж болохуйц хэмжээтэй байх ёстой, ийм дааж давшгүй өндөр байж болохгүй. Татвар хэт хатуу байвал нам гишүүдээ алдана шүү” гэж хэлж байсан байр суурин дээрээ би одоо ч гэсэн байгаа." хэмээн хэвлэлд өгсөн ярилцлагадаа онцоллоо.
О.Гоо-Оюун