Ирэх зургадугаар сард болох УИХ-ын ээлжит сонгуульд нэр дэвших горилогчдын нэрс олон нийтэд ил болоод буй. Горилогчид зургадугаар сарын 2- ны өдөр нэр дэвшигчийн үнэмлэхээ сонгуулийн хорооноос гардаж аваад албан ёсоор сурталчилгааны ажилдаа орох ёстой.
Сонгуулийн тухай хуульд зааснаар одоо нэр дэвшихээр горилж байгаа хүмүүс өөрийн зурагт хуудасаа тараавал хууль зөрчсөн үйлдэл болно. Гэхдээ энэ хууль УИХ-ын гишүүдэд илт давуу байдал олгосон. Тодруулбал: УИХ-ын гишүүд ажлын тайлан гэж нэрлээд зурагт хуудсаа иргэдэд тарааж болно.
Энэхүү хуулийн зохицуулалтыг 2016 оны УИХ-ын сонгуулиар Нийслэлийн Сонгинохайрхан, Баянзүрх, Сүхбаатар зэрэг дүүргээс сонгогдсон УИХ-ын гишүүн Ц.Гарамжав, Б.Саранчимэг, Ц.Мөнх-Оргил, Д.Цогтбаатар нар ажлын тайлан гэх өөрийн зургаар дүүрсэн цаас ном сэтгүүлийг айл өрхүүдэд тараагаад эхэлжээ.
Сонгуульд хэрхэн ялалт байгуулах, ард итгэлийн олох төлөвөө гартаа оруулсан гишүүд цаас материал тарааж байх хугацаанд хуулиар боомилогдсон бие даагчид эвсэлийн гишүүд зургадугаар сарын 2-ныг хүлээгээд сууж байна.
Э.Сувдаа