Европын холбооноос Монгол улсыг " ЕХ-ны санхүүгийн системд аюул учруулах эрсдэлтэй” орнуудын хар жагсаалтад нэмэхээр болсныг ѳмнѳ нь Control.mn мэдээлсэн. Тэгвэл энэ асуудал ямар үр дагаварт хүргэж болохыг тоймч Гантулга иннэж хэллээ.
-Цар тахлын улмаас ЕХ-ны эдийн засаг маш хүндэрсэн. Энэ хүндэрсэн байдлаас гарахын тулд тус холбоо эдийн засгаа аврах мөнгөний эрэлд гарсан. Оффшор бүсэд эх үүсвэр нь тодорхойгүй асар их мөнгө байгаа нь ЕХ-ны анхаарлыг зүй ёсоор татсан. Ингээд ЕХ эдийн засгаа аврах мөнгийг оффшороос хурааж авах хууль эрхзүйн баримт бичгүүдийг бэлэн болгоод байна. Хэрэв Монгол ЕХ-ны хар жагсаалтад орвол Монголын хулгайч олигархуудын оффшор бүсэд байрлуулсан хулгайн мөнгө Монголд орж ирэхээс өнгөрнө. Дэлссэн мѳнгѳѳ Монголын олигархууд өөрсдөө ч авч чадахгүйд хүрнэ. Ийнхүү Монголын ард түмний баялгийг дээрэмдэж олсон мөнгө хүний хоол болно гэж тэр тайлбарлалаа.
Гантулга энэ удаа нэр дэвшинэ. Гэхдээ аль нэгэн намыг одоогоор сонгоогүй байна. Түүнд бас ѳѳрийн гэсэн хувилбар бий гэж тэрбээр нэмж хэллээ. Олигархуудтай зэрэгцэж сууж байгаад тэмцэх нь илүү үр дүнтэй гэж Гантулга үзэж байна.
Э.Сувдаа