Монгол Улсын Ерөнхийлөгч асан Ц.Элбэгдорж хөл хорионоос гараад удаагүй байгаа. Өнөөдрөөс түүнийг АТГ-аас дуудан, байцааж эхэлжээ. Энэ тухай тэрээр өөрийн цахим хуудаснаа " Өдрийн мэнд. Хуулийн байгуулагын дуудсанаар очиж уулзлаа. Хуулийн ажилтны асуултад хариулав. Өөр юмгүй дээ. Өдрийг сайхан өнгөрүүлээрэй" хэмээн нийтэлсэн байна.
Түүнийг Ерөнхийлөгчөөр ажиллаж байх хугацаандаа Ерөнхийлөгчийн тухай хууль болон бусад хуулийг зөрчиж Худалдаа хөгжлийн банк, түүний охин компаниудад давуу байдал олгосон үйлдэлд нь Нийслэлийн прокурорын газраас 2020 оны нэгдүгээр сарын 30-ны өдөр яллагдагчаар татсан.
Мөн оффшор бүстэй холбоотой, Монгол Улсын эдийн засгийн аюулгүй байдлыг доройтуулсан гэх үйлдлүүдэд нь хэрэг бүртгэлтийн хэрэг нээсэн. Хэрэг шалгах ажиллагааны явцад түүнийг дуудан ирүүлэх шаардлага бий болсон. Гэвч Ц.Элбэгдорж 2019 оны аравдугаар сарын 7-нд Монгол Улсын хилээр гарсан байна.
Үүнээс болж зарим ажиллагаа хийгдэх боломжгүй болсон. Тиймээс 2020 оны хоёрдугаар сарын 3-ны өдөр АТГ-аас Ц.Элбэгдоржийн байгаа газрыг тогтоолгохоор Интерполд хандаад байсан юм.
Э.Сувдаа