УИХ-д нэр цэвэр, өндөр мэдлэг, арвин туршлагатай цөөн гишүүн бий. Тэдний нэг нь Төв аймгаас сонгогдсон УИХ-ын гишүүн Нямаагийн Энхболд. Хамтарсан засгийн үед гадаад хэргийн сайд ч хийж байсан туршлагатай. МАН-ын удирдах зөвлөлийн гишүүн, УИХ-ын дэд дарга зэрэг өндөр албан тушаал хашиж ирсэн хашир туршлагатай парламентийн гишүүн. Олон улсын парламентийн холбоонд ч сонгуультай нэгэн. Тэр болгон микрофон бариад, С.Ганбаатар гишүүн шиг босон суун жүжиглэх дургүй. Харин хэлбэл голыг нь хатгаад хэлчихэж чаддаг. Тэр хэд хэдэн парламентад сонгогдсон тул парламентийг өөр хооронд нь харьцуулж хэлэх, дүгнэх эрхтэй нэгэн гэж нөхөд нь хүлээн зөвшөөрдөг. Удахгүй бүхэн эрх нь дуусах, З.Энхболдын даргалсан парламентийн тухайд "Байгуулагдсан цагаасаа хууль зөрчөөд үйл ажиллагаагаа эхэлсэн, зөвхөн олонх болсон нь бүх зүйлийг дураараа хийдэг логиктой үйл ажиллагаа явууллаа. Парламентийн зөвшилцөл, олонх цөөнхийн ойлголцол, ер нь ардчиллын мөн чанар алдагдсан , хууль дээдлэх ёсыг огоорсон, улс төрийн төлөвшлийн үйл явцыг бүхэл бүтэн үеэр хойш нь ухраасан парламент байлаа" гэж хатуухан дүгнэлээ. Үйл ажиллагаа, улс төрийн шийдвэрийн хувьд ч урагшлах битгий хэл, бүхэл бүтэн үеэр ухраалаа гэж тодотголоо. Ялангуяа сонгуулийн хуулин дахь, түүн дотроо холимог систем дэх давуу талыг ашигласангүй гэж тэр үзлээ. Нямаагийн Энхболд, Зандаахүүгийн Энхболдын парламентад "Онц, Сайн" гэсэн дүн байхгүй, "Дунд" ч тавих боломжгүй, харин "Муу" гэсэн дүн тавилаа.
Л.ГАНТУЯА