2016 оны сонгуулийн урьдчилсан дүн одооноос ил болж эхэллээ. Жижиг намуудыг тоглолтоос шахсан. Гол тоглолт эрх баригч АН болон сөрөг хүчин МАН-ын хооронд болно. Сонгуулийн хууль ч, орчин нөхцөл ч ийм л байна. С.Баяр уу, Э.Бат-Үүл үү ? гэж асуух үлдлээ. Баярын хувьд намынхаа ерөнхий штабыг хариуцах бол Э.Бат-Үүл хотын сонгуулийг л хариуцна. С.Баяр 2008 оны сонгуулийн штабаа удирдаж 45 суудал намдаа авчирсан гавъяатай. Энэ удаа ч нам нь түүнд итгэл хүлээлгэлээ. Н.Багабанди ерөнхийлөгчийн сонгуулийг ч 2 удаа ялалтад хүргэсэн гэх хаяг бас С.Баярт хамаатай. Нөгөө талаас АН-ын штабын даргаар З.Энхболд ажиллах сурагтай. Манай намыг олонх болгоод өгөөч гэж З.Энхболд хүсэж буй. Энэ үгийг 2008 онд С.Баяр хэлж байсан түүхтэй. Хотын хувьд өрсөлдөөн ихтэй болох төлөвтэй. Э.Бат-Үүл дөрвөн жилийн өмнөх шиг санаж байна, нөхцөл байдлыг. Тэр хотын даргын хувьд юу ч гэж гоё сайхан үг хэлсэн, нийслэлийн иргэд л дүнгээ тавих болно. Нэг л зүйл тодорхой. УИХ, нийслэлийн хувьд МАН УУ, АН УУ л гэсэн асуулт байна. Маш туршлагатай, намдаа лидер гэж үнэлэгдсэн улс төрчид штабаа удирдах нь.
Ц.БАТТУЯА