Нийслэлийн Монгол Ардын Намын хороо хуралдаж, аймаг, нийслэл, сум, дүүргийн иргэдийн Төлөөлөгчдийн Хурлын 2020 оны ээлжит сонгуульд Нийслэлийн МАН-ын хороо оролцох шийдвэр гаргажээ. Тус хуралдаанаас Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн 28 дугаар зүйлийн 28.1 дэх заалт, Нийслэлийн МАН-ын хорооны Тэргүүлэгчдийн 11 тоот тогтоолоор батлагдсан сонгуульд нэр дэвшүүлэх, санал хураах, дүн гаргах журмын дагуу нэр дэвшүүлж, сонгуульд оролцох үйл ажиллагааг сайтар зохион байгуулахыг Нийслэлийн намын хорооны дарга Д.Сумъяабазар, тэргүүлэгчдэд төлөөлөгчид үүрэг болгосон байна.
МАН өнөөгийн эрх баригч байр сууриа хадгалах, нийслэл хот, түүний дүүрэг, хороод болон аймаг, сумдад ялалт байгуулах зорилго тавьжээ. Авилгад орооцолдоогүй, нэр цэвэр хүмүүсийг дэвшүүлэх тухай асуудал ч яригдсан байна.
Э.ОТГОО
