Путинаас суралцах зүйл их байна гэж Баттулга ба түүний баг үзэж байна. Тэд Путинаас суралцаж, "Нэгдсэн Монгол"-ын суурийг өнөөгөөс тавьж эхэллээ. Энэ бол түүний дэмжлэгээр үүссэн ШИНЭ нам, түүний дэмжиж сонгогдсон Ардчилсан Нам, МАН-ын саналыг хуваах МАХН, нам бусчуудын саналыг татах Т.Ганболдын байгуулсан "бие даагчдын холбоо" юм. Тэр одоо энэ дөрвөн намыг залж байна.
Энхбаярыг татахын тулд Хотын дарга болгохыг ч зөвшөөрүүлж амжив. Яг энэ бүтцээрээ аймаг, дүүрэг, сумд ялалт байгуулна гэдэг тооцоог гаргасан байна. Орон нутгийн сонгуульд энэ улс төрийн дөрвөл олонхи болж чадаж гэмээнэ Баттулга л ялсантай дүйцэх юм. Ийнхүү Орон нутгийн сонгуультай зэрэгцэн Ерөнхийлөгч Баттулгын дахин сонгогдоход дэмжлэг үзүүлэх улс төрийн талбарыг бий болголоо.
Н.Энхбаяр хотын шинэ дарга болно гээд төсөөл. Тэгээд л Нийслэлийн ИТХ-д саналаа өгөх болох нь, иргэд. Түүнийг Баттулга яагаад улс төрийн бүлэгтээ татав? Яагаад гэвэл МАХН ирэх жилийн ерөнхийлөгчийн сонгуульд нэр дэвших эрхийг эдэлж буй. Н.Энхбаярыг Хотын дарга болгож чадвал том нэг талаас том өрсөлдөгчөө замаасаа зайлуулсантай ижил. Нөгөө талаас МАН-ын саналыг хувааж нэр, нэр дэвшигчийг унагахад тэр л тусалж чадна. Ийм нэг улс төрийн нүүдэл өрөгдөж эхэллээ.
