Путин төрсөн өдрөө өргөн дэлгэр тэмдэглэж байсангүй. Нэг удаа Олон улсын хуралдааны үеэр түүнд баяр хүргэсэн. Өөр нэг тохиолдолд тэрбээр амралтаа авч, Сибирьт загасчилж байхыг нь мэдээлсэн байдаг. Энэ тухай Оросын нэгдүгээр суваг сонирхоход;
-Миний төрсөн өдөр бол Орос гүрний хэмжээнд тэмдэглэх үндэсний баяр биш. Ямар ч албан тушаалд байлаа гэсэн ойр дотно хүмүүсийнхээ л хүрээнд тэмдэглэх учиртай баяр. Би ингэж хэвшсэн гэж Оросын ерөнхийлөгч хариуллаа.
Путин байвал Орос байна. Путин үгүй бол Орос үгүй. Ингэж Оросын хэвлэлд бичиж байна. Харин Путин яагаад ийм хүчирхэг юм бэ? гэдгийг од гараг судлагч Елена Батыра: - Путин ЗХУ-ын үед 1952 оны 10-сарын 07-нд төрсөн. Тэр яагаад ийм хүчирхэг вэ? Төрсөн од гараг нь түүнийг хоёр гол зүйлээр зэвсэглэсэн. Нэг нь ажил хэрэгч. Нөгөө нь сэтгэл. Энэ хоёр хосолж байж Путин хүчирхэг ерөнхийлөгч болсон гэж тодорхойлсон. Батыра бол Оросын нэрд гарсан зурхайч, зөн билэгтэн юм.
Э.ОТГОО
