Монгол улсын нэгдүгээр хүнд улс төрийн бүх шийдвэр хамаатай. Орон нутгийн сонгуульд тэр АН-ыг дэмжиж оролцсон. Бүх аймгаар явж, ард иргэдтэй уулзалт хийсэн. Үр дүн нь ч гарсан. Арваад аймагт АН ялахад Баттулга ерөнхийлөгчийн ард иргэдтэй хийсэн уулзалт нөлөөлсөн гэж үздэг. Харин Нийслэл хотод нөлөөлж чадаагүй ч, Нийслэлийн Засаг даргыг тэр томилуулахад нөлөөлж чадаж байна. Сумьяабазарыг УИХ-ын гишүүнээс чөлөөлүүлж, Улаанбаатар хотын захирагч, Нийслэлийн засаг даргаар томилуулахаар Монгол улсын ерөнхийлөгч дээлийнх нь захыг мушгин сууж буй. Сумвяабазар хотын дарга болж гэмээнэ, хот Баттулгын мэдэлд шилжлээ гэсэн үг. Ийнхүү Баттулга ерөнхийлөгч ирэх оны ерөнхийлөгчийн сонгуулийнхаа дэд бүтцийг татаж эхэллээ.