Дундговь аймгийн 9 суманд үнэмлэхүй ялалт байгуулснаар АН анх удаа Дундговь аймагт үнэмлэхүй ялалт байгуулсан.
Ялалтын гол шалтгааныг: АН, ардчилсан хүчин эв нэгдлийг ханган, сахиж чадсан, дээрээс нь улсын хэмжээнд ардчиллын төлөөх бусад нам эвсэлтэй нэгдэж орсон явдал нь ялалтын тулгуур хүчин зүйл гэж харж байна. Намд, нам ялалт байгуулахад эв нэгдэл ямар чухал үүрэг гүйцэтгэдгийг энэ сонгууль харууллаа.
Сонгууль эхлэхээс өмнө асуудал үүссэн. Сонгуулийн хороонд 27 бие даагч сонгуульд оролцохоор нэрээ бүртгүүлсэн байсан. Тэдгээр бие даагчдын 17 нь манай намын туг болсон идэвхтэй гишүүд байсан. Тэдэнтэйгээ хэл амаа ололцсоны үндсэн дээр АН-аас ихэнх нь дэвшсэн Тэднээс 4 хүн л бие даасан. Сонгуулийн үр дүнгээр 22-ыг АН, 1-ийг ШИНЭ нам, 1-ийг бие даагч, үлдсэн 11-ийг нь МАН-ын нэр дэвшигч авсан. Өмнөхөн нь, УИХ-ын сонгуулиар МАН 100 хувь ялалт байгуулсан хүнд нөхцөлд бид өрсөлдсөн. Гэвч бидэнд Дундговьчууд итгэж, саналаа өглөө. Бид “ Дундговь хөгжинө ” гэдэг уриаг дэвшүүлсэн. Үүнийгээ ч шинээр сонгогдох, томилогдох удирдах бүрэлдэхүүн хийхийн төлөө зүтгэнэ гэж Дундговь аймгийн АН-ын хорооны дарга Ц.Мөнхбат манай сурвалжлагчийн асуултад тодотголоо.
Ц.ЭНХБАТ
