Дундговь аймагт МАН бүрэн ялагдал хүлээсэн. МАН-ын дарга, ерөнхий сайд У. Хүрэлсүхийн зөвлөх Ц.Нямдорж Дундговь аймагт ажлын томилолтоор ажиллаж, МАН-ыг ялагдалд хүргэсэн тус аймгийн МАН-ын хорооны дарга, аймгийн удирдлагуудын " толгойг нь хяргах" шахжээ. Тэгвэл намын дарга нар нь шат дараалан бие биендээ арга хэмжээ авч, хорслоо тайлж байна. Тухайлбал Дундговь аймгийн Өндөршил сумын засаг дарга Ц.Мөнхбадрахын захирамжаар Талын нар багийн засаг даргыг идэвх санаачилгагүй ажиллаж, олон нийтийг төөрөгдүүлсэн гэсэн үндэслэлээр цалингийн 20 хувиар хоёр сарын хугацаатай шийтгэл оногдуулсан байна. Энэ нь Талын нар багийн засаг дарга Цэрэнноровыг өөр намд үйлчиллээ гэж үзсэний улмаас оногдуулсан шийтгэл гэж Дундговьчууд үзэж байна. Нохой сүүлээ, сүүл нь хонгорцогоо л гэдэгтэй адил үйл явц Дундговь аймгийн зарим сумдад өрнөж байгааг Control.mn сайтад Дундговиос мэдээллээ.
Д.БАТЖАРГАЛ
