Ерөнхийлөгч Х.Баттулга монгол айл өрх бүрийг тухайлан дэмжсэн, бодит дэмжлэг, туслалцаа болох тусгай бодлогыг гаргаж хэрэгжүүлэх шаардлагатай гэж үзсэн. Тэрбээр энэ зайлшгүй шаардлагын хүрээнд төрөөс өрх бүрд нэг сая төгрөгийн дэмжлэг үзүүлэх хөтөлбөр боловсруулсан. 2020 оны арванхоёрдугаар сарын 1-ний өдрөөс 2021 оны нэгдүгээр сарын 1-ний өдрийн дотор хэрэгжүүлэх, ингэхдээ 200,000 төгрөгийг бэлнээр олгож, үлдсэн 800,000 төгрөгийг зөвхөн үндэсний үйлдвэрлэгчээс архи, согтууруулах ундаа, тамхины төрлөөс бусад бараа, бүтээгдэхүүн худалдан авах эрх бүхий ваучераар (эрхийн бичиг) олгох саналыг тусгасан төслөө Ерөнхий сайдад хүргүүлсэн билээ. Уг асуудлыг Засгийн Газар хэлэлцээд дэмжихгүй гэсэн шийдвэр гаргасан байна. Хүүхдийн 100 мянган төг, хүнсний талон зэргийг өрх гэрт үргэлжлүүлэн өгөх болсон тул давхцуулан олгох шаардлагагүй гэж үзжээ.
Д.БАТЖАРГАЛ
