%20copy.jpg)
Жижиг намууд болон бие даагчид болгоомжилж эхэлжээ. Их санасан газар 9 шөнө хоосон гэдэг үлгэртэй учирлаа гэж тэд үзэж байна. Энэ удаа МАНАН сарнина гэж тэд хүлээсэн. Жижиг, шинэ намууд УИХ-ын танхимыг өөрсдийн төлөөллөөр дүүргэнэ гэсэн бодолд, итгэлд автсан байсан цаг саяхан. Тиймээс ч, ХҮН, ТУСГААР ТОГТНОЛ зэрэг нам үүссэн. МАХН,ИЗНН, мөн МНН, МҮАН, МУНН, БНН, ХАМАГ МОНГОЛ гээд намууд ч ихийг хүлээсэн. Харамсалтай нь, тэдний итгэл үнэмшил сарниж эхэлжээ. ИЗНН намыг УИХ болон нийслэлийн сонгуульд оролцуулах боломжгүй гэж СЕХ зарлалаа. ХҮН, МҮАН, ЭХ ОРОН зэрэг намууд сонгуульд бие даахгүй гэдгээ илэрхийлсэн. Тусгаар тогтнол нам бас асуудалтай болсон. Ингээд үзэхээр сонгуульд хэн оролцох вэ? гэж асуух л үлдлээ. АН, МАН-аас гадна МАХН оролцох нь тодорхой. Тэр намаас хэн дэвшиж, хэн нь УИХ-д суух магадлалтай вэ? тэгээд. Намын дарга нь дэвших нь тодорхой. Харин СЕХ нэр дэвшигчийн мандатыг өгөх эсэх нь эргэлзээтэй хэвээр байгаа. Ганц Н.Энхбаярт ч биш, хэн хэн нэр дэвшихийг СЕХ, түүний хэсгүүд эцэслэнэ. Тэгэхээр зураглал тодорч эхэллээ. Өргөн утгаар нь харвал АН, МАН-ын нэр дэвшигч энэ сонгуульд голлон тоглоно, энэ хоёр намаас бүрдсэн парламент бүрэлдэх нь гэж ажиглагчид дүгнэж эхэлжээ.
Д.ЭНХТҮВШИН
