Гурав хоногийн өмнө, УИХ дахь МАН-ын бүлгийн дарга Д.Тогтохсүрэн, УИХ-ын Төрийн байгуулалтын байнгын хорооны дарга Л.Энх-Амгалан нар Ерөнхий сайдад Л.Оюун-Эрдэнийг нэр дэвшүүлэхээр шийдвэрлэсэн тухай албан бичгийг Ерөнхийлөгч Х.Баттулгад хүргүүлсэн. Хуульд заасны дагуу Л.Оюун-Эрдэнийг Ерөнхий сайдаар томилуулах саналыг Ерөнхийлөгч тав хоногийн дотор багтаан УИХ-д оруулна. Л.Оюун-Эрдэнийг Ерөнхий сайдаар томилох асуудлыг өнөөдөр УИХ-ын Төрийн байгуулалтын байнгын хороогоор хэлэлцэх бөгөөд үргэлжлүүлэн УИХ-ын чуулганы хуралдааныг хуралдуулахаар товлосон гэж УИХ-ын Тамгын Газраас мэдээллээ. Засгийн газрыг шуурхайлан бүрдүүлэхийг дэмжиж буйгаа УИХ-ын дарга Занданшатар илэрхийлэв. Л.Оюун-Эрдэнэ нь шадар сайдаар ажиллаж байсны хувьд Засгийн газарт үл ялиг л өөрчлөлт оруулах төлөвтэй байна гэж ойрын эх сурвалж мэдээлж байна. Баттай эх сурвалжаар Соёлын сайд, Эрүүл мэндийн сайдаас бусдыг нь эргүүлэг кабинетдээ авч ажиллуулна гэж судлаачид үзэж байна.
