Дарханд иргэдтэй уулзалт хийсэн. Энэ уулзалтын үеэр ерөнхийлөгч Ц.Элбэгдорж үг хэлэхдээ С.Баярцогтыг онцолсон. Энэ уулзалтыг МNВ, UBS, ТВ5 зэрэг төвийн телевиз дамжуулсан. С.Баярцогтын дэвшдэг Сэлэнгэ аймгийн нутаг дэвсгэрт С.Баярцогтын тухай тааламжгүй үг хэлсэн нь Дарханчуудад сонин тэгээд содон сонсогдсон гэдэг. Намаа муухай харагдуулж байна, нэр дэвших үгүй тухайд С.Баярцогт өөрөө тунгааж бодох, ухамсартай хандах хэрэгтэй гэж ерөнхийлөгч хэлсэн тухай Дарханчууд тодотгож байна. Тэгэхээр зарим үгийг нь нэмж эвлүүлсэн байхыг үгүйсгэж болохгүй нь ээ.
Харин гаднаас хэн шидэв? гэдгийг бараг тогтоосон, тогтоож ядах зүйлгүй гэж эх сурвалжууд мэдэгдэж эхэллээ. Бодвол сэжүүрийг нь олсон, олсны үзүүрээс нь атгасан бололтой. Энэ үйлдлийг, мөн л зоригтой аавын хүүгийн шийдсэн мэх гэж үзэж болох байх. АН доторхи фракцын мөргөлдөөн гэдэг нь тодорхой болж байх шиг байна.
Өчигдөр, төрийн ордонд Х.Баттулга гишүүн С.Баярцогтыг дэвшүүлж болохгүй гээд их л "үзсэн" мэдээлэл байгаа. ПИАР, сөрөг довтолгоо хийж болно, гэхдээ улсынхаа ерөнхийлөгчөөр даажигнаж болно гэж үү? Энэ чинь юу гээч нь болоод байна даа? гэж жирийн иргэд толгой сэгсэрч сууна. Тагнуулынхан учрыг нь олж, энэ явдлыг нэг мөр цэгцлэх байлгүй дээ, гэж найдъя.
Ц. БАТТУЯА