С.Баярцогт Сэлэнгээс дэвшвэл л гарна. Тэр аль хэдийнээ "ажилласан". Хаана, хэнтэй өрсөлдөхөө ч мэдэж байгаа. Ганцхан асуудал үүссэн түүнд.
Энэ бол мартаж "орхидог" түүний оффшор данс. Тухайн үед нэг сөхөгдөөд намдсан. Харин сонгуультай холбогдуулан энэ асуудал үе үе сэвэлзэх болсон төдийгүй, нэр дэвшихэд нь ч саад болчих гээд түүнийг зүгээр суулгахгүй байгаа. Тиймээс оффшорын тухай эерэг мэдээлэл цацагдах болсон нь, түүний зүгээс үлээх салхи ч гэж хэлэх нэгэн байна. Гарах мэдээлэл бүрийн араас тэр болон түүний Пиар баг хөөцөлдөх боллоо.
Ерөнхийлөгчийн хэлсэн үг, намын даргынх нь гаргасан уриалга түүний сэтгэлд бас л нийцэхгүй байгаа. Тиймээс намын дарга нь шийддэг бол коммунизм гэх ухааны зүйлийг бас шидлээ. Тэр дахин сонгогдохоор улайрч байна. Энэ долоо хоногийн сүүлээр энэ асуудал нэг мөсөн шийдэгдэнэ. Тэр дэвшвэл л ялна. Тиймээс дэвшихийн төлөө С.Баярцогт бүхнийг хийх нь тодорхой.
АН-ын дарга З.Энхболдод ч бас удирдагч хүнд заяадаг ганцхан чанар бий. Тэр хэлсэн л бол хийдэг, зүтгэсэн л бол гүйцээдэг.
Ц.БАТТУЯА
