Их хурлын дарга чуулган завсарлах бол индэр дээрээсээ алхаа цохиж нийт гишүүдийн сонорт хүргэдэг байсан болчихож. Чимээгүйхэн шийдвэр гаргаад бүтэн сар чуулганыг завсарлуулчихлаа.
З.Энхболдын нүүдэл нь С.Баярцогтоо сонгуульд нэр дэвшүүлэхгүй өнжүүлээд Т.Батзандангаараа Оффшорын хуулийг өргөн бариулж чуулганаар яаравчлан хэлэлцүүлж сонгуулийн өмнө батлуулан МАН-ын оффшортонгуудыг жагсаалаас гаргах байлаа.
Гэтэл өөдөө хаясан чулуу өөрийн толгой дээр гэгч болж АН-ын оффшорын эзэд С.Баярцогтоор хязгаарлагдсангүй. Тэр бүү хэл МАН-ын бүлэг Ж.Батзандан гишүүний өргөн барьсан хуулийг төслийг дэмжихээ илэрхийлчихсэн. Оффшорын тухай хуулийг МАН-ыг дэмжихгүй гэж таамаглаж байсан АН-ынхан нөхцөл байдал буруугаар эргэж болзошгүй гэдгийг мэдмэгцээ чуулганыг завсарлуулж, төрийн ажлыг гацаалаа.
Л. ГАНТУЯА
