МАХН-ын дарга Н.Энхбаяр өлсгөлөн зарлаж эхэллээ. 2016 оны УИХ болон орон нутгийн сонгуульд улс төрийн ууган хүчний нэг болсон МАХН оролцох эрхээ авсан. Гэтэл нэр дэвшигчдээ баталгаажуулах хугацаа тулсан үед МАХН-ын дарга Н.Энхбаярыг ялтайд тооцох хугацаа дуусаагүй гэх үндэслэлээр нэр дэвших эрхийг нь түтгэлзүүлэх болоод байгааг ийнхүү эсэргүүцэн өлсгөлөн зарлаж эхэллээ. Олон нийтийн амралт, чөлөөт цагаа өнгөрүүлдэг Эрх чөлөө, Чингисийн талбайд жагсаал цуглаан, өлсгөлөн зарлах зөвшөөрөл холбогдох байгууллагаас өгөөгүй тул ийнхүү МАХН-ын төв байрны өмнө өлсгөлөнгийн арга хэмжээг эхлүүлж байна.
Ц.БАТТУЯА