ОХУ Умард Атлантын цэргийн байгууллага болох "NATO"-тай хамтран явуулдаг байнгын ажиллагаагаа зогсоож байна гэж тус улсын Гадаад хэргийн сайд Сергей Лавров мэдэгдлээ.
Энэ сарын эхээр NATO-аас Бельги улсын нийслэл Брюссель хотод байрладаг ОХУ-ын найман офицерыг тагнуул хэмээн хөөсөн юм.
Кремлийн шийдвэр уг үйл явдлаас үүдэлтэй бөгөөд арваннэгдүгээр сарын 1-нээс Москва дахь NATO-гийн цэргийн хамтын ажиллагааг зогсоох аж.
Мөн Москва хот дахь Бельгийн элчин сайдын яамны дэргэд байгуулсан NATO-гийн мэдээллийн төвийг татан буулгана гэж мэдэгдлээ.
Сергей Лавров "NATO эрх тэгш хамтран ажиллах сонирхолгүй байна. Тиймээс цаашид нөхцөл байдал өөрчлөгдөнө гэж дүр эсгэх шаардлагагүй. NATO ч өөрчлөгдөхгүй гэдгийг үйлдлээрээ баталсан" гэв.
Эх сурвалж: CNN
