МАН-д элссэн гэх Д.Тэрбишдагва-МАХН-ын дэд дарга, Ч.Улаан-МАХН-ын Бага чуулган болон Гүйцэтгэх товчооны гишүүн хэвээрээ. Аль аль нь албан ёсоор чөлөөлөгдөөгүй. Чөлөөлөхийн тулд намын дүрмийн дагуу Бага чуулганаараа хэлэлцэх ёстой. Энэ хурал болоогүй байгаа тул, Д.Тэрбишдагва, Ч.Улаан нар намдаа хэвээрээ байгаа гэсэн хариултыг МАХН-ын нарийн бичгийн дарга С.Удвал хэлж байна.
Энэ бол Д.Тэрбишдагва, Ч.Улаан нар өөр намаас нэр дэвшиж болохгүй ээ л гэсэн анхны сануулга. Тэд МАН-аас нэр дэвших хууль ёсны эрхгүй хүмүүс болж таарах нь. Ийм нэгэн сонирхолтой мэдээг Удвал хийлээ. Энэ хэлсэн зүйл хүчин төгөлдөр болж гэмээнэ, Сүхбаатар аймаг болон Сонгинохайрханд МАН-ын нэр дэвшигчид уналаа гэсэн үг.
Д.ЭНХТҮВШИН
